KEMAH-KEMING TU.......

Guna gomok adik-kakok sume....tahun baru ada napok perubahe ka belako? ko, serupo tahun lepah jugok? kemah2 molek la belako.bo2 la wat perangai tahun lepas. kawe nop pese pada hok doh berumah-tangga, jadi lah pasangan yang terbaik.jange mensia-sia ke pasangan masing2.......buat penat jah jadi pengantin kalu dop kube lagi.

Kito pakat gi ka cerito asal kawe deh, kalu dop cerito koksir-kokdan lambat pulop abis cerito kawe ni, guano adik-kakok kato belako? setuju ko dop? sero nok jadi supe ustaz azhar, boleh ko?

kalu adik-kakok nok tahu belako, maso dulu Che dan ayah kawe kijo kat singapura, kalu nok tahu dia kijo lagu mano, cubo adik-kakok tengok mat2 dan minah2 indon tu hok kijo di negara malaysia loni. Lagu tu lah ayah dan che kawe kijo dulu.Nok wat lagu mano adik-kakok, negeri kelate maso tu tadok kijo supo loni, kalu ado pon tanam padi. Dok rok adik-kakok, nok besar anok denge tanam padi, kalu ada tanoh berpuluh ekar, takpo jugak.

Maso tu ore2 kelate hidup susoh sunggoh. Loni dok doh, ore2 kelate biso2 belako doh, kalu ado pon hok dok berapa rajin bena tu,kalu kata malas takut marah demo pulok. kalu dok caya tanya sain2 adik-kakok hok asal kelate.kawe gurau jah nok main2 angin sikit jah?

Gitu lah rutin harian hidup ayah dan che kawe dulu2. 3 bule dok singapore, 3 bule pulok dok kapong. cari make adik-kakok. Bagi hok dok pahe, mesti tertanyo-tanyo,pasal apo ayah dan che kawe tinggal kawe dan adik-beradik diusia sebegini rupo, jawape dia mudoh jeh, nok besarkan anok-anok dan bagi ilmu untuk anok-anok supaya jange jadi supo dia. Sebabnya dia tahu tu tanggungjawab sebagai seorang ibubapa terhadap anok-anok. Kepada ibubapa kat luar sana yang hidup susah, dan punya jalan cerito supe keluarga kawe ni, buatlah satu perubahan. Ambil contoh macam ayah dan che kawe buat, jange dop pikir, kalu kito susoh ari ni, pah bilo tok sene2. Salah tu adik-kakok. Tapi jangan lupo adik-kakok, dalam hidup ni, kito mesti percaya pado HUKUM KARMA.......

Kalu adik-kakok nok tahu belako, maso kawe zaman kanok2 dulu, kawe terpisah denge ayah dan che pada umor kawe 2 tahun lagi.seingat kawe pada maso tu kawe dijaga oleh kakok-kakok kawe kat pasir mas. Maklum la, kapong tepat kawe lahir tadok kemudahan awam lasong.Kawe hanya berjumpa dengan che dan ayah, pada hari cuti sekolah dan perayaan saja.

Kawe selalu keno pos oleh kakok-kakok, buke guno posmen adik-kakok, jange salah takfsir. kawe dipos menggunakan ketoapi. kalu ado jiran2 yang nok gi tepat ayah kawe kerja, maso tu la kawe dipos. Guano adik-kakok belako, beso keno pos ko? jange kato surat, ore pon boleh pos, kemah ke tu....ko adik sero lagu mano?

Anok kecil yang berumur 2 tahun terpaksa hidup dengan adik-beradik yang paling dewasa umur 10 tahun. Adik-kakok bayangkan lah sendiri lagu hidup kawe maso tu? tapi kawe adik-kakok dok pernoh mitok simpati dengan sapo2, sebabnyo ayah dan che kawe pesan siap2 doh, jangan mintok bantuan ore, belajar hidup sendiri. Kawe tabik spring ka kakok-kakok kawe, demo tu keno gilir2 jaga kawe, bak kato gok kakok-kakok kawe gi sekolah lewat sokmo la. Nok tinggal tok leh sebab kawe kecik lagi. Sapai loni masih ada tanda2 yang menunjukkan dan menceritokan kawe dijaga oleh kakok-kakok denge penuh kasih-sayang semenjak dari kecik lagi, maklum la kawe sore jah anok jate dalam keluarga. Kesan parut yang melekat di pipi kawe sampai ke hari dapat menceritakan segalo2 nya.

Lagu mano adik-kakok kalu kito berhenti sini dulu boleh ko?.....jupe pah ni tu....