nuffnang1

Sunday, September 14, 2014

Lamo benar weh dop update blog ni.....nop kato sibuk dop la sibuk mano, ado kijo sikit2 la. Pah tu mari la kito pakat laye blog kawe seterusnya. Hari tu kawe last cerito zaman2 kecik2.ni nop cerito maso zaman remaja la sikit sebanyok..... Zaman remajo kawe ni biaso la, kawe ngan sain2 nakal sikit, suko benar skodeng ore2 kg yg doh kahwin. Anop2 daro mitok maaf kawe dop pernoh skodeng.nop jadikan cerito, skodeng ni ado duo group. Kalu dop plan betol2 bertembung samo sendiri. Tu aktiviti kawe mlm2 la. Utk pengetahuan adik -kakok belako, kawe ni suko masok, tapi time basuh pinggan-mangkok ni, kure sikit. Kalu mokcik2 lalu area umah kawe napok la kube-lana dapur. Maklum la remaja, pah tu dop sore pulop. Kalu adik-kakok nop tahu, kawe ni suko make mee celop. Kalu gi bandar pasir mas dop make mee celop, sero dop soh. Kedai mee celop tu belakang mara. Kedai tu orang panggil kedai pok loh. Satu lagi kawe punya aktiviti ialah, setiap hari jumaat kawe naik ketoapi gi bukit. Bukit ni istilah ore2 kelate tanoh tinggi.maksudnya kebun. Bukit ni, hop specialnyo, kg ni original segala-galanya. Tadop kenderaan spt keto, lori, bas ko...hop adonya motor dan basikal jah. Kapong ni adalah tempat lahir kawe. Ikut sejarah ore2 tua kg, Kawe ni anop pertama lahir kg ni. sebab tu la, walaupun kapong ni jauh dari arus pembangunan, tapi jiwo kawe ni lain. Kawe amat suko bilo berada kg ni. Kalu adik-kakok nop tahu, kg slow temiang loni, amat berbeza dari dulu doh. byk perubahan yg dah berlaku.

Monday, January 6, 2014

Sunday, January 20, 2013

NOK CERITO KERJO MASO DULU-DULU

Kawe nok kongsi cerito denge adik-kakok belako ari ni,satu pengalaman kawe maso kecik-kecik dulu. Masa kawe kecik-kecik dulu, kawe selalu tolong kakok-kakok kawe wat kijo dikilang tembakau. nok wat kijo lebih2 dok pandai sekat pilih daun tembakau ikut gred boleh la. Kalu adik-kakok nok tahu gok, kile tebakau ni ada 2 kategori, ikat daun tebakau dan pilih daun tebakau ikut gred. Hok kawe lucu nyo, masa nok dapat ke daun tebakau. Adik-kakok beso dok tengok ore2 india berebut nok naik bas? lagu tu la suasano berebut nok dapat ke daun tebakau bilo lori hok bawok daun sapai. Maso tu rakyat2 negaro kito dok berapo berdisiplin, dok supo loni. Kijo bidang ni,caro nok dapat ke duit banyok satu jah caronya keno dapat ke daun tembakau seberapa banyok, kalu dok dapat daun tebakau, mako tadok pitih la ari tu, terlopong la jawab nyo. Kalu adik-kakok hok beso kijo dikile tebakau mesti tahu la, selok-belok kijo dikile tebakau ni. Tu sikit-sebanyok pengalaman kawe kijo kijo dikile tebakau seawal usia 6 tahun.Adik-kakok beso ko kijo diusia supo kawe? acu oyak molek gok.....banyok lagi kijo hok kawe beso buat maso kawe kecik-kecik dulu. kijo dikile buat batu-bata, kijo disawah padi dan mace2 la, kalu nok cerito ari ni kawe sero dok habis. Kalu adik-kakok nok tahu gok, kawe adik-beradik terpaksa membantu ayoh kawe mencari duit. Maklum la, kalu nok harap duit hok ayah kawe bagi, sero dok cukup.sebab tu la kami adik-beradik buat kijo part-time. sekure2 nyo kalu ayoh kawe lambat atar duit, kawe adik-beradik dok la nyasar gi cari pitih rumah ore, ka guano adik-kakok pikir? Gitu la rutin harian adik-beradik kawe, terpaksa bekerja selepas habis waktu sekolah, kecuali kawe jah. Semua wajib kijo, tadok yang berkecuali. Pagi gi sekolah, petang pulop gi kijo. Tu kawe cerita maso2 zaman dulu. Loni adik-kakok jange buat gitu.keno belajar molek, kalu adik-kakok dok belajar dengan tekun gok, susoh la sikit, berebut kijo denge bangla dan mat2 indo la esok2. Bereh dok cerito hok kawe kongi dengan adik-kakok ari ni? kalu dok bereh, kito pakat2 bereh la.

Sunday, January 6, 2013

baca semua.....

Pada waktu itu, kawe dan adik-beradik yang lain, menumpang di sebuah kampung, kalu ore kelate panggil pondok. Pondok ni, kalu adik-kakok nok tahu, pondok ni bermaksud tepat ore2 belajar dan mendalami ilmu agama. Alim la semeta kawe, meh2 ustaz azhar tu. Gitu la adik-kakok lumrah kehidupan sebagai keluarga yang dok berapo mewah ni. Sebab tu la, keno kijo rajin adik-kakak weh, jange jadi supe kawe ni, beringat deh ? Kawe dok pondok tu dok berapo lamo adik-kakok, sementa sangat jah, lebih kure 5 tahun. Gitu lah lumrah nupe tanoh ore. Kalu tuan tanoh hambat bukus kain baju la, nok tunggu nate apo lagi. Alasan bakpo kawe keno pindoh, tu kawe dok berapo pasti sebeb kawe masih kecik lagi maso tu. Doh keluaga kato pindoh, kawe adik-beradik pakat2 pindoh la. Tu la, kawe nok pesan sangat ka adik-kakok hok nupe umah ore ka,nyewo umah ore ka, samo jah tu, beringat2 la. kalu ado pitih tu cepat2 beli umoh sendiri. Kalu tok leh beli umah mewoh, beli lah umoh muroh2. Kalu nok hok muroh sangat gok, beli kabin ja lah, pah tu letok kawase tanoh kosong. Ore kapong dok hambat, majlis daerah jah yang hambat.ka guano adik-kakok...... Pah tu, adik-kakok bereh belako ko ? Kalu bereh gok, kita stop sekat ni dulu la, kito jupo pah ni pulop.

Saturday, January 5, 2013

KEMAH-KEMING TU.......


Guna gomok adik-kakok sume....tahun baru ada napok perubahe ka belako? ko, serupo tahun lepah jugok? kemah2 molek la belako.bo2 la wat perangai tahun lepas. kawe nop pese pada hok doh berumah-tangga, jadi lah pasangan yang terbaik.jange mensia-sia ke pasangan masing2.......buat penat jah jadi pengantin kalu dop kube lagi.

Kito pakat gi ka cerito asal kawe deh, kalu dop cerito koksir-kokdan lambat pulop abis cerito kawe ni, guano adik-kakok kato belako? setuju ko dop? sero nok jadi supe ustaz azhar, boleh ko?

kalu adik-kakok nok tahu belako, maso dulu Che dan ayah kawe kijo kat singapura, kalu nok tahu dia kijo lagu mano, cubo adik-kakok tengok mat2 dan minah2 indon tu hok kijo di negara malaysia loni. Lagu tu lah ayah dan che kawe kijo dulu.Nok wat lagu mano adik-kakok, negeri kelate maso tu tadok kijo supo loni, kalu ado pon tanam padi. Dok rok adik-kakok, nok besar anok denge tanam padi, kalu ada tanoh berpuluh ekar, takpo jugak.

Maso tu ore2 kelate hidup susoh sunggoh. Loni dok doh, ore2 kelate biso2 belako doh, kalu ado pon hok dok berapa rajin bena tu,kalu kata malas takut marah demo pulok. kalu dok caya tanya sain2 adik-kakok hok asal kelate.kawe gurau jah nok main2 angin sikit jah?

Gitu lah rutin harian hidup ayah dan che kawe dulu2. 3 bule dok singapore, 3 bule pulok dok kapong. cari make adik-kakok. Bagi hok dok pahe, mesti tertanyo-tanyo,pasal apo ayah dan che kawe tinggal kawe dan adik-beradik diusia sebegini rupo, jawape dia mudoh jeh, nok besarkan anok-anok dan bagi ilmu untuk anok-anok supaya jange jadi supo dia. Sebabnya dia tahu tu tanggungjawab sebagai seorang ibubapa terhadap anok-anok. Kepada ibubapa kat luar sana yang hidup susah, dan punya jalan cerito supe keluarga kawe ni, buatlah satu perubahan. Ambil contoh macam ayah dan che kawe buat, jange dop pikir, kalu kito susoh ari ni, pah bilo tok sene2. Salah tu adik-kakok. Tapi jangan lupo adik-kakok, dalam hidup ni, kito mesti percaya pado HUKUM KARMA.......

Kalu adik-kakok nok tahu belako, maso kawe zaman kanok2 dulu, kawe terpisah denge ayah dan che pada umor kawe 2 tahun lagi.seingat kawe pada maso tu kawe dijaga oleh kakok-kakok kawe kat pasir mas. Maklum la, kapong tepat kawe lahir tadok kemudahan awam lasong.Kawe hanya berjumpa dengan che dan ayah, pada hari cuti sekolah dan perayaan saja.

Kawe selalu keno pos oleh kakok-kakok, buke guno posmen adik-kakok, jange salah takfsir. kawe dipos menggunakan ketoapi. kalu ado jiran2 yang nok gi tepat ayah kawe kerja, maso tu la kawe dipos. Guano adik-kakok belako, beso keno pos ko? jange kato surat, ore pon boleh pos, kemah ke tu....ko adik sero lagu mano?

Anok kecil yang berumur 2 tahun terpaksa hidup dengan adik-beradik yang paling dewasa umur 10 tahun. Adik-kakok bayangkan lah sendiri lagu hidup kawe maso tu? tapi kawe adik-kakok dok pernoh mitok simpati dengan sapo2, sebabnyo ayah dan che kawe pesan siap2 doh, jangan mintok bantuan ore, belajar hidup sendiri. Kawe tabik spring ka kakok-kakok kawe, demo tu keno gilir2 jaga kawe, bak kato gok kakok-kakok kawe gi sekolah lewat sokmo la. Nok tinggal tok leh sebab kawe kecik lagi. Sapai loni masih ada tanda2 yang menunjukkan dan menceritokan kawe dijaga oleh kakok-kakok denge penuh kasih-sayang semenjak dari kecik lagi, maklum la kawe sore jah anok jate dalam keluarga. Kesan parut yang melekat di pipi kawe sampai ke hari dapat menceritakan segalo2 nya.

Lagu mano adik-kakok kalu kito berhenti sini dulu boleh ko?.....jupe pah ni tu....





Tuesday, January 1, 2013

Pakat2 mari baco adik-kakok.........


Guano weh adik-kakok, napok temenu jah dari tadi lagi kawe napok, serabut ko? sabar adik-kakok belako, acu bawok banyok2 selawat ka nabi kita tu......

Lagu mano tu adik-kakok belako, kalu kito sambung cerito kawe pulop. Dop pon keno air kopi secawan dulu sebelum adik-kakaok ngadap blog kawe ni, buke apo, takut sedap baco lupo nop basah tekak.

Gini cerito dio, sebelum ni kawe dop cerito kampong kawe jah,kalu nop cerito pasal kapong kawe sokmo gok, maso mano nyo nok cerito pasal kawe pulop, kalu gitu gok, kawe sela-seli guano adik-kakok sero, molek ko dop? ko adik-kakok nop dengar cerito hantu kapong kawe? semeta lagi kawe cerito.

Ok, kalu gitu gak, kawe gi pada cerito kawe pulop la, sian ko adik-kakok, nunggu lamo benar doh nop tahu pasal cerito kawe ni, sabar la adik-kakok, hidup ni keno banyok bersabar, ore2 tua oyak kalu tok sabar umor pendek. Ko lagu mano adik-kakok sero? Mengikot cerita che kawe, maso kawe lahir dikampung slow temiang pada maso tu, meme dasyat sunggoh. Maso tu tadok kemudahan supo loni, doktor ko, misi ko, tadok nop oyak wi, tok bomoh ado la sore dua maso tu. Agok2 loni bomoh2 ni ore guno lagi ko? takpo la, bomoh pon bomoh la, janji rock. kalu adik-kakok nop tahu, pado maso tu, ayah kawe dengan ore kapong jah bantu melahirkan kawe. Biso sungguh arwah ayah kawe maso tu.kawe tabik spring ko dia.

Bezo sunggoh adik-kakok, kalu nop banding dulu dan loni, supo langit denge bumi. Lepah kawe dilahirkan, kawe dibesarkan bersama-sama adik-beradik kampung kelahiran che kawe, dikampong perol meranti pasir mas kelantan,  al-maklum ler, che ngan ayah kawe terpaksa berkebun. tadok sapo nop jaga kawe maso tu, maklum la time tu hidup meme sangat2 susah.kalu ikut cerita che ngan ayoh kawe masa tu make nasi denge air garam jah,berlauk riah pise.guano boh demo beso make....kalu kawe nop cerito belako untuk episod ni, sumbat boh..gini lah kito sambung pah2 ni la.................beyeh boh....



Mari pakat baca cerito kawe ni......


Sero lamo sungguh dop bangun awal pagi, maklom la cuti sekolah. Ni nop keno start bangun mace biasa la pulop. Tu la kawe ingat pah abis zaman sekolah bereh doh, dop payah bangun awal2 pagi. Rupo-rupo nya lain adik-kakok, supe jugok denge zaman kanok2, cumo dulu pagi2 keno pakai baju sekolah, loni pulop pagi2 keno pakai baju untuk pergi pejabat. Bagi hop baru nop dapat anok atau anok baru masuk sekolah keno belajar2 la bangun awal2 pagi. Pah tu pulop keno belajar2 gi sekolah, cari buku2 sekolah anok2 tu.kalu dulu lagu tu la nok tahu gok, mok dan ayah buat ko adik-kakok semua.


Tahun ni kawe sero nop kongsi cerito dengan adik-kakok semua tentang perjalanan hidup kawe, guano adik-kakok sero molek ko dop?. Atau ore2 kelate panggil saloh-silah. Kalu adik-kakok nok tau, kawe di lahirkan dalam sebuah keluarga yang agak miskin tapi dop la mace keluarga di Afrika selatan nuh. Kehidupan kawe dan sekeluarga, agak menyedihkan sekali kalu nop banding dengan hidup adik-kakok loni.maklom la zaman dulu negara kita lain, dop seperti loni.

Kalu adik-kakok nok tau kawe ni dilahirkan pada 19 Ogos 1975. nok kata berumur tu dok lagi kot, cuma hampir2 dah nak berumur.kawe ni dilahir dalam perkampungan yang agok jauh daripada arus pembangunan. Mengikut cerito che ( nama panggilan menggantikan ibu ) ayah dan geng-geng kampung terawal kat kampung tu, kawe ni anok tempatan kampung slow temiang yang terawal lahir kat kampung tu..guano kalu keno ko adik-kakok belako, sero banggo dop?

Ikut cerito ore2 tua kampong kawe pada masa tu, kampong slow temiang ni tiada stesen ketoapi.Mano ketoapi berani nop berhenti tengah2 utan, takut hop naik buke manusia, tapi bendo lain seperti harimau,gajah,jin ka..... tu contoh jah la.Tapi kawe pernah kelih ore bawa kambing naik katoapi. Bagi pendudok2 kampung, mereka terpaksa turun di stesen keretapi yang berhampiran dengan kampong slow temiang di anggarkan jarak setesen berhampiran adalah 10km. Ado juga sumber yang memberitahu ka kawe, pemuda2 hok gdebe2 ni, geng-geng tu lompat jah dari ketoapi.....jangan terkejut, mereka boleh lompat sebab ado satu kawasan di mano ketoapi terpaksa perlahankan kelajuan, atas sebab-sebab faktor bentuk muka bumi yang agak berbukit.kalu adik-kakok dengar cerito kawe ni mace berada di negara india. pelik tapi benar.pah tu cukup dulu la untok ari ni, kito jupo lepas ni tu, ado cerito sedap ni nok kongsi......bereh dop