Hebat sunggoh....

Awas set2 tentera, luar demo mene, sebab demo ado bedil, dale pade demo tadok bedil, bola jah hok set2 demo ada. 

PIALO MALAYSIA

ADIK-KAKOK SERO SAPO MENE ? ACU TEKO GOK SIKIT, 

WI NAPOK GOK SI’KIT, SEMANGAT KESUKENE…..KIJO2 JUGOK……KA GUANO ?

Kemah kemi boh......

Guano adik-kakok kemah-kemi belako ka tu? Kalu dok kemah oyak la kawe, boleh la sekat nok tolong kemah. Terimo kasih la banyok2 adik-kakok sebab jengok2 blog kawe ni, kalu tanpo sokonge adik-kakok sero susoh sikit kawe nok terus ke nulis blog ni.

Dok la, Ale2 jengok blog kawe, klik la ikle tu sekali boh. Wat sega angi adik-kakok jah. Pah tu,guano loni adik-kakok, mood molek ko ari ni. Kalu mood sero molek, teruh la baco cerito kawe ni. Utuk pengetahuan adik-kakok belako, cerito hok kawe oyak ni, semua betul. Ni bedasa ke, apo hok pernoh kawe tepoh sepanje perjalene idup kawe sapai ko ari ni.

Koho lomo, koho panah cerito kewe ni adik-kakok. Nok royak wi, ka adik-kakok belako, idea hok molek dia mari time nok tido denge maso dok dale jamban jah. Maso tu gok, tip top la idea. Pemimpin pon boleh kaloh.

kawe dok ngapu koksir doh ni, mitok maaf la adik-kakok tadi tu ikle semata. Kalu tadok ikle, sero dop berapo kemah boh. ado iklan sero lain sikit.

Nok ko jadi cerito, Kebetulan, umoh sewo kawe tu, ado sore abe, dia kijo kat hotel merlin subang jaya tu la, loni hotel tu takdok doh, ganti dengan sheritton hotel. Kawe pon apo lagi, gi la mitok kejo kat hotel tu. Rezeki punya pasal, dapat la kijo kat hotel tu. Hok sedap nyo, mitok kijo cuci pinggang mangkuk, tibo2 boh hotel tawar kijo ka kawe, sebagai steward. Sero jatong nok jatuh,  bunyi pulop dup-dap2. Mau dop nyo mitok kijo cuci-pinge, sekali dapat kijo atah kapa terebe, apo lagi suko la masa tu. Kawe pon oyak selalu ka boh, dop beso kijo steward. boh pon sedap jugok,Boh pon kato, takpo pengalame boleh cari, hok peting minat. Kawe pon tanyo dio pulop, esok nok tunggu mano ni, dale palo kawe, esok naik kapa terebe la kawe, bye sain2. Rupo2 nyo cuci pinge kat hotel, ore panggil steward. Start pado ari tu, kijo kawe basuh pinge-makuk, periuk, pungut sapoh, mop latai dan mace2 la.kemah ke tu boh.

Tapi, kalu balik kapong gak, ore tanya kijo gapo boh, derah2 oyak steward. Tok ke nok oyak tuke sapu. Kalu sero Nok kena suko ka set2 kapong tera la oyak cuci pinge makuk. mau pecah sebutir kapong.

Kalu adik-kakok nok tahu, cuci pinge-makuk kat hotel sero lain boh, kalu nok banding dengan gaji kijo difood court gok mace langit de bumi la.1 jam hotel baya RM3.50. Busuk2 pon sebule boleh dapat RM1000+++ .Maso tu sapo gaji 1k gok, jale neting doh.kawe kijo hotel tu lamo jugok la. Paling best kijo hotel ni adik-kakok, masa basuh pinge makuk. Sebabnyo, style hotel ni, makanan tok leh bawa keluar dari kawasan hotel. Nok make keno pandai2 la.

Hok seronok nyo kjo hotel ni, kalu kijo male2 boleh ngitar ore bromen.

Biasonya ore bromen di cofee house. Makanan set2 kawe la, jange kata kawe jah ngiter, pok gard, chef, boh kawe pon joint jugok. Set2 tu pon palo sumbat jugok......

sero lamo deh cerito pasal kijo hotel ni. Kalu ikot ke, panje lagi kawe

nok cerito, tapi takpo la adik-kakok, maso banyok lagi. Mitok maaf la sekali lagi, kalu dok pahe, cerito kawe ni. kalu nok pahe keno tanyo sain2, jange pulop tanyo kawe....jupo pah ni deh.

Bereh boh.....

Guano adik-kakok sihat blako ka tu. Kalu dok sihat gok, jange oyak ka kawe la, pakat2 gi oyak ko doktor la we, kalu dulu takpo, boleh la oyak ka kawe, sebab nyo masa dulu, ramai gu2 kawe hok dok kapong, jadi doktor tanpo kelayakan. Tu cerito dulu2 la, sero loni ramai doh hok pecen, al-maklom la, pakat bini belako doh. Terimo kasih ka gu2 kawe hok ambik jale utuk pencen tu, hok belum pecen lagi kawe nok ucap selamat berjaya.

Ni kawe nok sambong cerito ari tu pulop adik-kakok. Guano adik-kakok blako, jadi molek ka cerito kawe ni, Kalu dok brapo jadi, arap mitok maaf bayak2 la. Maklom la, muga kawe loni sibuk sokmo, kalu dok sibuk pon kawe keno cari jale supayo jadi sibuk.

Bereh deh adik-kakok. Cerito dia lagu ni, Lepah kawe kijo di food court kat ngan sube perade, sero pulop nok kijo pakai pakaian semart2 pulop weh. Baso perangai manusia, doh tahu ngaji dok brapo tinggi, tapi koya nok pakai supa ore kijo jabat, kalu boleh nok pakai tali leher, koya ke tu. Mikir punya mikir, telitas di pikiran, kijo di parkson kat sube parade la adik-kakok weh, masa tu kijo sene nok cari, janji sekolah sapai habis, lulus ka dok, belake cerito. Meme la kijo shopping ni suko, sain ramai, tino jate pon sain belako.....e...lir ke tu boh.

Biaso la kijo kat parkson ni banyok dok diri. Meme tok leh duduk lasung, tapi kalu nok duduk jugok boleh, pandai2 nusuk la, jange sapai set2 boh napok, kalu berigat gok, serupo cocoh karak jubo la we. Kawe ni pulop, kalu boleh nok kijo hok rilek jah. Jadi gok, jodoh dengan parkson dok lamo, sedih pon ado maso nok bereti kijo di parkson, tapi nok wat guano adik-kakok, rezeki, jodoh, ajal-maut ni semuo di tange tuhe, ka guano adik-kakok.

Pah tu kalu kawe sambung cerito esok pulop guana, bereh ko boh ? jupo esok pulop la. Jange lupo tu temujanji kito esok, tabik spring belako ka set2 kito, dok kiro dok mano, janji kito 1 malaysia.

Hari pertamo keja sebagai tuke cuci pinggan dan pencuci lantai

Ari ni kawe nok bagi tau ka adik-kakok semuo, mulo2 kawe kijo di sube jayo ni, kalu adik-kakok nok tau kerja sebagai pencuci pinge makuk, nyapus latai di food cuort kat sube parade, loni food court tu tadok doh. Tepat tu doh digati dengan kedai lain doh.

Masa tu gaji pon dok berapo banyok boh, basic 350 rial jah. nok tok nok, hidup nok kena make minum, terpakaso keja la boh. daripado dok curi baik kijo, cuci pinge makuk pon jadi la.

Ni kawe nok cerito masa kawe interview, maklumla sebelum ni dok pernah interview kerja. boh tanya u nok kejo sebagai apo ni ? kawe pon kato, ikut boh la, nok wi kijo gapo hok ado. Dia tanyo pulop ? nok kijo full time ka part time?  Punya la gong kawe, kijo full time ngan part time pon kawe dok tau sekara habuk. dale pala kawe ni, full time ni kija hatar makanan utuk ore2 hok nok make, pah tu part time pulop kemas meja lepas ore make. Soh2 kawe nok kijo full time, rupe2 apo hok kawe teko silap. Nok wat guano boh dok beso kijo......

Ari pertamo kijo biaso la, staff baru macam2 la keno buat, mop latai dok berhenti2. Start kul 11 pagi sapai kul 9mlm, kijo mop latai masa tu, sero banggo doh, sebab pakai pakaian seragam mcm ore2 putih pakai.
kalu adik-kakok nok tahu, kawe ni baso jenis saye pitih. nok tubik 10 sen pon sero saye, nasib baik tepat kijo ado make2 percumo.kalu ari minggu pulop, kawe sanggup dok make dari keluar duit, tapi kalu ore belanjo. lain cerito jadi nyo. tu kawe cerito masa dulu2 la....

Macam mano kawe hidup kl.....

Kehidupan kawe bermulo di subang jaya selangor. kawe dok nupe kakok2 masa tu. Masa baru2 sapa subang jaya, dok tahu nok gi jale mano-mano, nasib baik la, tempat tinggal kawe dekat dengan kedai video game. Kawe ni perangai lain sikit, kalu jupo kedai video game gok, pah male takpo dok dale tu. main dok
reti sekaro rabuk, tengok ore main jah.

Nok ka jadi cerito, game hok kawe masuk ni, buke kedai game biasa. Kedai ni lebih pada pusat perjudian.
Maklum la, kelate mano ada benda2 ni semuo. Nok ka jadi rezeki kawe maso tu, ada so mesin ore dok main, kawe pon duduk la. Masuk la duit 20 sen, tibo2 kat skrin kawe tu smua keluar no.7 blako. Mesin tu pon apo lagi bunyi la. Kawe pon kejut la, ore habis dok likung kawe. Kawe pon oyak ka tuan kedai game, buke kawe punah mesin ni, dio bunyi sendiri. Cino tu suko ka kawe, cino tu oyak lu sudah menang beso lo, ni lu punya wang.....check2 duit tu ada la kat 500 rial. Apa pasal lu tak mau wang ? Kasi sama saya la kalau tak mau. Pah tu baru la kawe pahe. Game hok kawe main tadi tu ialah game judi.

Nok ka jadi cerito, dok lamo pah tu..............tunggu........tunggu...esok pulop la kawe cerito.

Mari bloka adik-kakok, pakat baco ni!!!!!!!

Pah tu guano adik-kakok blako, marin kawe crito sapai kl jah, ni kawe nok crito pulop mulo2 sapa umah sewo. kawe ni baso dok brapo sain mano dengan gu2 hok dok brapo kenal, paling dok pon angguk palo gitu jah. mata kawe pon sero berat doh, kawe pon tido la smeta. segala beg2 duit letak dale beg baju. kawe pon tido lah dengan lena nya. bilo bangun tido tengok beg baju kube, sero dok sedap hati. check punya check, duit hok ado 15 rial tadi tadok doh, nyo kebah demo. sero nok teriok, tapi pikir2 sero malu. pitih ado 5 rial doh loni. kawe pon mikir nok wat guano.

Kawe pon dok la mikir luar rumoh, masao tu waktu nok gelap doh. perut ceruk doh, umah sewa tadak makanan sekara rabok, tibo2 kawe dengar jiran sebelah panggil, kawe apo lagi masuk la umah dio. maso tu start la dia tanyo kawe, make doh ko ? tok kan kawe nok kata dok lagi, malu la, air muko ni nok kena jago jugak.

Dia pon jeput la make, nok jago hati ore dan perut lapar, kawe pon make la. masa tu baru la kawe cerito ka pokcik tu, masalah kawe. pokcik tu pon bgitau kawe, kalu lapar mari la make umah dia ari2 pon takpo. maso tu pukul 8 malam baru, setelah kawe capur, tolak dan tambah, maka tubik ler jawapan, kawe tok leh hidup lagu ni.......nok tau dok apo kawe buat lepas tu ?........