baca semua.....

Pada waktu itu, kawe dan adik-beradik yang lain, menumpang di sebuah kampung, kalu ore kelate panggil pondok. Pondok ni, kalu adik-kakok nok tahu, pondok ni bermaksud tepat ore2 belajar dan mendalami ilmu agama. Alim la semeta kawe, meh2 ustaz azhar tu. Gitu la adik-kakok lumrah kehidupan sebagai keluarga yang dok berapo mewah ni. Sebab tu la, keno kijo rajin adik-kakak weh, jange jadi supe kawe ni, beringat deh ? Kawe dok pondok tu dok berapo lamo adik-kakok, sementa sangat jah, lebih kure 5 tahun. Gitu lah lumrah nupe tanoh ore. Kalu tuan tanoh hambat bukus kain baju la, nok tunggu nate apo lagi. Alasan bakpo kawe keno pindoh, tu kawe dok berapo pasti sebeb kawe masih kecik lagi maso tu. Doh keluaga kato pindoh, kawe adik-beradik pakat2 pindoh la. Tu la, kawe nok pesan sangat ka adik-kakok hok nupe umah ore ka,nyewo umah ore ka, samo jah tu, beringat2 la. kalu ado pitih tu cepat2 beli umoh sendiri. Kalu tok leh beli umah mewoh, beli lah umoh muroh2. Kalu nok hok muroh sangat gok, beli kabin ja lah, pah tu letok kawase tanoh kosong. Ore kapong dok hambat, majlis daerah jah yang hambat.ka guano adik-kakok...... Pah tu, adik-kakok bereh belako ko ? Kalu bereh gok, kita stop sekat ni dulu la, kito jupo pah ni pulop.